الرحيل بعد العوده
عمركش شوفت رحيل بعد العوده
العادى ان العوده هى اللى بتبقى بعد الرحيل
بس انا الموضوع كان معايا العكس
احكلكم
اصحابى قالولى بدون ذكر اساميهم هناخدك معانا القاهره ف معسكر تدريبى
حضرت الشنط وقولت هسافر يوم السبت زى ما قالولى
فضلت شايل الشنط
ان حد يتصل بيا يقولى تعالى مفييييييييييش
المهم قالولى المعسكر التدريبى اللى جنب نادى الجزيره يوم الاحد ابقى تعالى
روحت اخد بعضى ورايح يوم الاحد
كانو مفهمنى انى هحضر معاهم وزى زيهم ليا نومه واكل وشرب
بس طلع لا مش كدا خالص
طلعو اخدنى سرقه
لاااااااااااااااااااااااااااااااااااااااااااا
مش انا اللى يحصل معايا كدا
انا ابن ناس يا ناس
المهم رضيت مش عارف ليه
يمكن علشان انا طيب
دخلت ونمت جنب واحد كان بيتكلم وهو نايم
استحملت لحد الصبح
ولما جه الصبح
قعدت نايم لحد الساعه 2
وهم طبعا عامليين يحضروا قرصات وسايبنى بين اربع حيطان
اخدت بعضى ونزلت على الغدا
قالولى كل بسرعه واطلع على الاوضه تانى
قعدت اكل بسرعه
بسرعه
بسرعه
وبعدين قمت قعدت ف الجنينه
اتلاقيت بطنى اتقلبت
قمت قايم مرجع كل اللى اكلته
يععععععععععععععععععععععععععع
يعععععععععععععععععع
سورى يعنى انى قرفتكم معايا
بس دا اللى حصل
.........................................
وبعدين اللى زاد وغطى
ان شويه وقالتلهم انا مروح
وطلعت حضرت الشنط
عايز امشى
ابتدو يتعاملو معايا براحه
لا متمشيش
هتاذينا
وعلشان انا طيب بردو قلت استنى
شويه وحدثت الكارثه
قالو فيه عجز ف وجبه
قالو فيه عجز ف وجبه
ولازم تخرج الوقتى ومتجيش غير بليل لما احنا نخرجلك نجيبك
طيب هروح فين
قالولى اي حته
خرجت
وكلمت زميله عزيزه
اسمها مهيتاب
بس مطلعتش عزيزه اوى
لانها جاتلى بعد اربع ساعات انتظار ف روض الفرج
قعدت اتفسح معاها شويه ف روض الفرج دى وكتر خيرها انها مشت معايا
.....................................................
بعد مجولى ف احد الاحزاب بليل روحنا تانى
بس اللى ميحتملش انهم جابو واحد صحبنا تانى
والاوضه بقت مليانه على الاخر
نمت من غير غطا
اهئ اهئ اهئ اهئ
ومن غير عشا
منا نسيت اقولكم ان فلوسى كانت ابتدت تخلص
المهم جه تانى يوم واخر يوم
اتلقينا خبط كالعاده على الاوضه الصبح الساعه 7 ونص
وانا ملحتش انام
قالك لازم تسلمو الاوضه
نزلنا
وقعدت الف ف الشوارع انا وصحبى الجديد علينا دا بردو
روحنا العتبه فطرنا
وروحنا الازهر
وبعدين رجعنالهم تانى
زعلو منى انى رجعتلهم تانى
واتامسوا
علشان الناس ف المعسكر عرفوا انهم هم اللى كانو مسرقنى الوجبه
وانا والله كان عندى استعداد ادفع حقها
بس اي حد يقولى اعمل ايه
كنت هعمل على طول
خرجو زعلانين منى
وسابونى ومشيوا وانا سبتهم وروحت وبكدا كانت الرحيل من القاهره
بعد العوده اليها
وحلفت انى مسفرش تانى سفريه طويله غير مع ابويا وامى
ليست هناك تعليقات:
إرسال تعليق